Сарман районы “Шәфкатъ” үзәгендә Халыкара өлкәннәр көненә багышланган бәйрәм чарасы

2019 елның 4 октябре, җомга

2 октябрь көнне «Шәфкать» халыкка социаль хезмәт күрсәтү үзәгендә Халыкара өлкәннәр көненә багышланган бәйрәм чарасы узды. «Шәфкать» үзәге ветераннары өчен мондый чаралар һәрвакыт күңелле, чөнки алар кайчандыр бергә эшләгән дуслары һәм танышлары белән очрашалар. Бу очрашулар аларга иң мөһиме – тормыш көче бирә. Аларны бәйрәм белән үзәк директоры Г.И. Хуҗина котлады. Ә ветераннар хатирәләре белән уртаклаштылар, уеннарда катнаштылар, җырлар җырладылар. Бәйрәм чәй өстәле артында дәвам итте. Ветераннар үткәрелгән бәйрәмнең җылы атмосферасыннан бик канәгать калдылар һәм мондый бәйрәмне оештырган өчен чын күңелдән рәхмәт белдерделәр.