"Изгелек" инвалидларны тернәкләндерү үзәгендә Халыкара өлкәннәр көне кысаларында «Талантлар дөньяны бизи» дигән декоратив–гамәли иҗат күргәзмәсе
"Изгелек" инвалидларны тернәкләндерү үзәгендә социаль эш буенча белгеч Рәмзия Хәйбулова Халыкара өлкәннәр көне кысаларында «Талантлар дөньяны бизи» дигән темага өлкән буын социаль хезмәт алучыларның декоратив–гамәли иҗат күргәзмәсе оештырды.
Чараның максаты: иҗади сәләтләрне тормышка ашыру өчен кирәкле шартлар тудыру, социаль активлыкны саклау һәм озайту, тәҗрибә белән уртаклашу һәм буыннар арасында өзлексез элемтәне саклау.
Өлкән яшьтәге кешеләрне социаль тернәкләндерү, үз-үзләренә ышанычны саклау, шәхеснең әһәмиятенә инану, социаль изоляциягә каршы тору, социаль элемтәләрне киңәйтү өчен аларны иҗтимагый тормышка җәлеп итүдән гыйбарәт. Әлеге бурычларны тормышка ашыруда социаль хезмәт алучыларга ярдәм итүче үзәктә нәтиҗәле юнәлешләрнең берсе булып декоратив–гамәли иҗат буенча дәрес тора.
Бәйрәм күргәзмәсен тернәкләндерү курсын узган катнашучыларның төрле техникаларда башкарылган иҗади эшләре бизәде. Күргәзмәгә килүчеләрне бисердан ясаган хайваннар, кошлар һәм бөҗәкләр экспонатлары, хатын-кыз бизәкләре, төрле агачлар һәм бәйләнгән әйберләр җәлеп итте.
Күргәзмәдә катнашучылар үз эшләре турында яратып сөйләделәр һәм аларны үтәү үзенчәлекләре белән уртаклаштылар. Тамашачылар аларның кул эшләнмәләре турында җылы сүзләр әйттеләр һәм үз куллары белән тылсымны тудыра белүләрен, кәефне күтәрә һәм гадәти проблемалардан аерып торуын билгеләп үттеләр.
Кунаклар һәм социаль хезмәтләр алучылар арасында бу дәресләргә язылырга һәм төрле кул эшләренә өйрәнергә теләүчеләр дә бар иде.
Чарада 49 кеше катнашты.