"Сынау проектын тормышка ашыру» КЦСОН Кукмора
Татарстан Республикасы Кукмара муниципаль районында «Демография» милли проектының «өлкән буын» проектын гамәлгә ашыру кысаларында 2019 елның икенче сентябреннән башлап, диспансеризация, профилактик тикшерүләр, скрининглар уздыру өчен, авыл җирендә яшәүче 65 яшьтән өлкәнрәк затларны район медицина оешмаларына китерү башланды.
Кырык өч Лада Ларгус автотранспорт чарасы республикага федераль бюджеттан бүлеп бирелгән акчага сатып алынды һәм районнарга Татарстан Президенты Миннеханов Рөстәм Нургали улы тапшырды. Автомобильнең сыйдырышлылыгы биш пассажир урыны, шул исәптән кресло-коляска белән йөрүче гражданин өчен бер урын җиһазландырылган. Әлеге автомобильнең махсус версиясе аппарель белән җиһазландырылган, аның буенча пассажир автомобильгә коляскасы белән бергә керә ала.
Махсус автотранспортта өлкән яшьтәге гражданнарны озата бару «Тылсым» комплекслы үзәге белгечләре тарафыннан оператив рәвештә башкарылды.
Агымдагы чорда 65 яшьтән узган, районның Зур Кукмара, Лельвиж, Ош-Юмья, Манзарас, Мәмәшир, Пычак авыл җирлекләрендә яшәүче утыз алты пенсионер диспансеризация узды. Ел азагына учреждениеләр тарафыннан 65 яшьтән өлкәнрәк җиде йөз алтмыш өч кешене диспансеризация үткәрү планлаштырыла.