«Мин һәм минем булачак һөнәрем» альбомын әзерләү, Алексеевск районында «Кайгырту» приюты.

2019 елның 9 сентябрендә «Кайгырту» приюты тәрбиячесе Якупова В.Т. 7 кешедән торган  мәктәп яшендәге балалар белән « Мин һәм минем булачак һөнәрем»исемле альбом әзерләделәр.

Максат: һөнәрләрнең күптөрлелеге турында күзаллауны формалаштыру.

Бурыч:

1. “Һөнәр”төшенчәсе белән таныштыру.Балаларның төрле һөнәр ияләре хезмәте турындагы күзаллауларын киңәйтү һәм аныклау.
2. Хезмәткә хөрмәт тәрбияләү.

Дәрестә кеше тормышында бик мөһим булган - киләчәк һөнәр турында сөйләштеләр. Балалар һөнәрләр турында табышмакларга җавап бирделәр, , кеше рәсемнәре буенча кем нәрсә белән шөгыльләнүен таптылар. «Кем шулай сөйли? " дигән биремнәр үтәделәр. Һәр тәрбияләнүче үзләренә ошаган һөнәр турында хәбәр әзерләде һәм дәрес ахырында һөнәрләр турында шактый  кызыклы альбом барлыкка килде.