"Без татарстан турында беләбез" уен-викторинасы
30 август көнне Татарстан Республикасы халкы Республика Көнен билгеләп үтәләр. Бу көнне республикабызның барлык шәһәр һәм районнарында бәйрәм чаралары үткәрелә.
Безнең Федоровка картлар һәм инвалидлар интернат-йортында да әлеге билгеле датага багышланган берничә чара үткәрелде. Китапханәче Алина Артемьева «Республикабызны яратабыз һәм горурланабыз!»дип исемләнгән стенд әзерләде һәм Татарстан Республикасы символлары турында сөйләде. Тәрбияче Рәйсә Гайнуллина интернат-йортта социаль хезмәт алучылар белән викторина үткәрде . Әлеге чара Татарстанның тарихы, мәдәнияты, гореф-гадәтләре турында белемнәрен ныгыту; аралашу чараларын үстерү максаты белән үткәрелде.
Викторинада катнашучылар Татарстанның тарихы, әдәбияты һәм сәнгатена кагылышлы сорауларга җаваплар бирделәр. Соңыннан алар үзләренең кече Ватаннары турында сөйләделәр