“Изгелек” инвалидларны тернәкләндерү үзәгендә “Рәсәй төсләре” дигән патриотик чара
“Изгелек” инвалидларны тернәкләндерү үзәгендә “Гармония” ветераннар коллективының хореография ансамбленең инициатив төркеме “Рәсәй төсләре” дигән патриотик чара үткәрде.
Чараның максаты: бәйрәм кәефе булдыру, халык иҗаты сәнгатенә, мәдәниятенә җәлеп итү һәм социаль хезмәт алучыларны ял итү тирәлегенә кертү иде.
Чараны алып баручылар Тамара Шәкүрова һәм Михаил Авдеев социаль хезмәт алучыларны Рәсәй флагы көне белән котладылар һәм бу бәйрәмнең тарихы турында искә төшерделәр. Шул уңайдан ветераннар коллективы тамашачыларга үзләренең иң яхшы концерт номерларын бүләк иттеләр. Артистлар сәхнә костюмнары, бал биюләре һәм халык иҗатының төрле жанрлары аша тамашачыларның игътибарын җәлеп итә белүләре белән социаль хезмәт алучыларның күңелләрен яулады.
Артистлар үз номерлары арасында, гармунчы Александр Свищев уйнавына кушылып, тамашачыларга такмаклап биюдә үзләренең сәләтләрен күрсәтү мөмкинлеген тудырулары белән аерылып торды. Алар яшь чакларында актив тормышларының иң якты истәлекләрен искә төшерделәр.
Бу бәйрәм көнендә ветераннар социаль хезмәт алучыларда үзләренең актив хезмәттәшлеге, күтәренке күңелләре һәм тормыш сөючәнлеге белән онытылмас тәэсирләр калдырдылар.
Чарада 35 кеше катнашты.