«Кояшлы шәһәргә сәяхәт»
2019 нчы елның 14 нче августы көнне “Бердәм Россия” көне кысаларында Түбән Кама муниципаль районында «Веста» үзәге белгечләре «Өмет» тернәкләндерү үзәге, «Альфа» мәдәният йорты, «Кура җиләге төсендәге фил» балалар-күңел ачу үзәге һәм «SMS - балалар» волонтер отряды хезмәткәрләре белән берлектә 57 инвалид балалы гаилә өчен «Кояшлы шәһәргә сәяхәт» дигән бәйрәм чарасы уздырдылар. Чараның максаты: инвалид балаларны социаль-мәдәни адаптацияләү, балалар-ата-аналар мөнәсәбәтләрен гармонияләштерү.
Чара башында "Веста" үзәге белгечләре катнашучы балаларны, аларның яшьләрен исәпкә алып, өч командага бүлделәр. Ата-аналар белән бергә аларга кояш шәһәрчегенең дүрт станциясен үтәргә кирәк булды: «Спорт», «Оста куллар», «Әкият» һәм «Танып белү». Балалар бик теләп эстафеталарда, хәрәкәтчән уеннарда, викториналарда, шулай ук иҗади мастер-класста катнаштылар. Кояш шәһәрчегенең барлык станцияләре буйлап сәяхәттән соң, «Альфа» мәдәният йорты хезмәткәрләре барлык катнашучылар өчен күңелле флеш-моб оештырдылар. Чара ахырында «Кура җиләге төсендәге» балалар-күңел ачу үзәге аниматорлары балаларга сюрприз ясадылар - " Көнчыгыш әкияте» спектаклен күрсәттеләр.
Бәйрәм нәтиҗәләре буенча катнашучылар кызыклы чара, уңай энергия һәм бөтен гаилә белән мәдәни ял итү мөмкинлеге биргән өчен оештыручыларга рәхмәт сүзләре җиткерделәр.