“Бала белән очрашу” психологик тренингы”. Түбән Каманың «Веста» үзәге
«Демография» илкүләм проектын тормышка ашыру эше кысаларында Түбән Каманың «Веста» үзәге социаль эш буенча белгече Анастасия Ильина йөкле хатын-кызлар өчен “Ләкләк көтәбез” көтәбез клубы кысаларында “Бала белән очрашу” психологик тренингы” дигән темага төркемле дәрес оештырды. Максат: булачак сабыйның сәламәтлеге өчен үзенең психоэмоциональ халәтен һәм уңайлылыгын саклауның мөһимлеген җиткерү. Әлеге чарага «Тормыш өчен» автоном коммерцияле булмаган оешманың Идел буе федераль округы координаторы Сергей Солонщиков чакырылган иде.
Йөклелек һәм бала туу-һәр хатын-кыз тормышында иң мөһим вакыйга. Бу вакытта туачак баланың үсеше һәм сәламәтлеге өчен бөтен җаваплылык хатын-кыз җилкәсенә төшә. Сергей Солонщиков хатын-кызларга нәкъ менә шул хакта сөйләде. Шулай ук ул йөклелек чорында хатын-кызның сизгерлеге артуы, бигрәк тә аның күрү, ишетү һәм тактиль кабул итүе арту турында сөйләде. Булачак әнинең матурлык, гүзәллек белән мөмкин кадәр ешрак очрашырга тиешлеген юкка гына әйтмиләр. Йөклелек вакытында уңай эмоцияләр алу бик мөһим, чөнки тискәре хисләр булганда баланың физик үсеше һәм интеллектуаль үсеше тоткарланырга мөмкин. Шуңа күрә матурлыкка күбрәк игътибар итәргә, аны күз алдында тотарга яисә чынлыкта булдырырга тырышырга кирәк.
Белгеч тарафыннан дәрес ахырында катнашучыларга йөклелек вакытында үтәргә кирәк булган 10 файдалы киңәш бирелде, алар иҗат белән шөгыльләнергә, ихлас һәм позитив кешеләр белән аралашырга, яхшы йога яки йөзү белән шөгыльләнергә, матур музыка тыңларга һәм җырларга, тәмле итеп ашарга, матур киемнәр кияргә, яхшы китаплар укырга һәм яхшы фильмнар карарга, изге гамәлләр кылырга һәм сабый белән һичшиксез аралашырга тиеш.
Катнашучылар кызыклы һәм танып белү дәресе өчен рәхмәт белдерделәр, тыныч булырга һәм йөклелек чорыннан ләззәт алырга, ешрак елмаерга вәгъдә иттеләр.