«Кешелекнең глобаль проблемалары». Түбән Каманың “Веста” үзәге
ВИЧ-инфекциясе таралуны профилактикалау буенча эш кысаларында 12 нче санлы социаль участокта Түбән Каманың “Веста” үзәге социаль эш буенча белгече Дилара Борисова социаль хезмәт күрсәтүдә торучы 13 бала өчен «Кешелекнең глобаль проблемалары» дигән төркемле дәрес үткәрде. Максат: ВИЧ/СПИД инфекциясенең таралуы һәм профилактика ысуллары турында мәгълүмат бирү.
Дәрес «Мактау сүзе» күнегүе белән башланып китте, анда балалар, партнерларын алыштырып, бер-берсенә комплиментлар әйттеләр. "Биш секунд» күнегүен үткәргәннән соң, белгеч балаларга дөньяда ВИЧ-инфекциянең һәр 5 секунд саен бер кеше йоктыруы турында хәбәр итте. Шулай ук дәрестә катнашучылар ВИЧ сүзенең кайдан барлыкка килүен белделәр: В - вирус - планетада иң гади тере җан иясе, ул кечкенә һәм гадиләштерелгән. И-иммунодефицит: иммунитет-сәламәтлек өчен җавап бирүче саклау, дефицит-ни дә булса җитмәү, бу очракта сәламәтлек яки саклану җитмәү. Мөһим хәреф булып Ч тора – кеше. ВИЧ кешедә генә булырга һәм ул кешедән кешегә генә бирелергә мөмкин. Иммунодефицит вирусының мәкерлелеге шунда ки, ул организмны саклау өчен җавап бирүче күзәнәкләрне зарарлый. Вирус организмның сыек тирәлегендә һәм күзәнәкләрендә яши, анда ул иркен йөри һәм үрчи. Аннан соң белгеч балаларга СПИД йоктыру ысуллары һәм әлеге авыру турында җентекләп сөйләде. Әлегә бернинди вакцина яки СПИДны дәвалау алымнары юк. Табиблар бары тик йогышлы кешенең гомерен медикаментоз озайта гына алалар. Спид чиренең нәтиҗәсе бер - авыру үлем белән тәмамлана. Бәла-казаны булдырмас өчен белгеч балаларга профилактика чаралары турында сөйләде.
Дәрес ахырында һәркем үз фикерен белдерде, әлеге очрашудан ВИЧтан саклану чаралары турында нәрсә белүләрен әйттеләр.