«Заманча ландшафт дизайнында газон». Түбән Каманың «Веста» үзәге
Татарстан Республикасында социаль ярдәмгә мохтаҗ балалы гаиләләргә социаль ярдәм күрсәтүнең нәтиҗәле практикаларын үстерү буенча чаралар комплексын гамәлгә ашыру эше кысаларында Түбән Каманың «Веста» үзәгендә 2019 нчы елның 24 нче июле көнне «Заманча ландшафт дизайнында газон» дигән темага чираттагы дәрес узды.
Дәрес башында белгеч дачада, бакчада һәм ял зонасында газон һәм клумбаларны ничек матур итеп ясарга мөмкин булуы турында сөйләде. Рәсмиләштерү эшен җентекләп планлаштырудан башларга кирәк. Клумбалар гомуми концепциягә туры килергә, ачык акцентларга яисә участокның ландшафт дизайнында гармонияле өстәмәгә әйләнергә тиеш. Әйтик, бакча юлын бизәүдә декоратив кәбестә һәм бордюр чәчәк түтәлләре юл кырыйларында үз урынын табачак. Аларны рәсмиләштерү өчен маргариткалар, анюта күзләре, агератум, портулак, күгәрчен күзе кебек түбән ослы чәчәкләр кулланалар. Бордюр чәчәкләре бакча юлларын җанландырачак. Клумбалар җәй буе матур чәчәкләр белән сөендерсен өчен, аны бизәгәндә берничә дистә төрле үсемлек кулланырга киңәш ителә. Клумбаларның алгы планына кыска итеп үсә торган чәчәкләр утырталар, артка таба – озынрак итеп үсүчеләрен. Ә иң артка озын үсемлекләр һәм декоратив куаклар урнаштырырга мөмкин, алар клумбалар өчен бик яхшы фон булып торачак. Кул астындагы чараларны куллану матур һәм оригиналь чәчәк түтәлләре булдырырга ярдәм итәчәк. Еш кына ландшафт дизайнында ташлар кулланалар. Фантазия күрсәтеп, аларга кызыклы һәм матур рәсемнәр ясарга мөмкин, алар бакчаның матур бизәге булып торырга мөмкин.
Клумбаларны рәсмиләштерү дәресенең гамәли өлешендә катнашучылар зур кызыксыну белән табигать ташларында камкалар, казлар, көлкеле миниатюралы кешеләр ясадылар. Клумбаларны тиздән яңартачаклар һәм ташлар аларның матур бизәге булып торачак.