«Әлкән буын» региональ проектын тормышка ашыру
Кече Лыза клубы базасында Балтачның «Наз» үзәге, Казанның «Наз» ятим балаларга һәм инвалидларга ярдәм хәйрия фонды һәм авыл клубы вәкилләре тарафыннан инвалид балалар тәрбияләүче гаиләләр һәм өйдә социаль хезмәт күрсәтү клиентлары өчен уртак чара уздырылды. Әлеге чараның максаты-тирә-юньдәгеләргә карата толерант мөнәсәбәт тәрбияләү, инвалид балаларны да, өлкән буын кешеләрен дә буын арасындагы элемтәләрне һәм социаль җайлашуны ныгыту.
«Наз» халыкка социаль хезмәт күрсәтү комплекслы үзәгенең 23 балигъ булмаган баласы һәм 4 өлкән яшьтәге кеше иске дуслар белән очрашып кына калмыйча, яңаларын да таба алдылар. Очрашу чәй эчү, җырлар башкару һәм шәхси эшмәкәр Р.Р. Сәгыйтова һәм Казан хәйрия фонды спонсорларыннан бүләкләр алу белән тәмамландылар. Бәйрәмне үткәрүдә «көмеш» яшьтәге волонтерлар зур ярдәм күрсәтте.
«Наз» ятим һәм инвалид балаларга ярдәм хәйрия фондыннан (Казан шәһәре) социаль карамакта торучы, ялгыз яшәүче Фәрхинур Миңнуллинага электр җылыткычы һәм идән келәме тапшырылды.
Барлык катнашучылар да очрашулардан, тирә-юньдәгеләрнең игътибарыннан һәм алынган бүләкләрдән канәгать калдылар. Оештыручылар һәм иганәчеләр адресына алар тарафыннан бик күп рәхмәт сүзләре әйтелде.