Югары Утар акылга зәгыйфь балалар йорты – интернатының “Шәфкатьлелек” бүлегендә “ “Гүзәллек дөньясы” дип исемләнгән уен-сәяхәт.

2019 елның 15 нче июлендә Югары Утар акылга зәгыйфь балалар йорты- интернатының “Шәфкатьлелек” бүлегендә тәрбияче Тимергалиева А.Н. балалар белән “Гүзәллек дөньясы” дип исемләнгән уен-сәяхәт үткәрде. Максат: - балаларның әйләнә - тирә дөнья турында белемнәрен активлаштыру; - күзаллауны киңәйтүгә ярдәм итү; - төркемдә эшли белүне үстерү; - әйләнә-тирәбезгә сакчыл мөнәсәбәт тәрбияләү. Тәрбияче белән берлектә балалар «Гүзәллек дөньясы " дигән мавыктыргыч сәяхәт ясадылар. Уен барышында хайваннар, үсемлекләр, су асты дөньясы төрлелеге белән таныштылар. Космосның гаҗәеп дөньясына чумдылар. Табышмаклар һәм рәсемнәр аша хайваннарны, кошларны таныдылар, су асты дөньясы булдырдылар. Уен-сәяхәт бик мавыктыргыч һәм күңелле узды. Барыбыз да дөньяның, чыннан да, матурлыгына инандык. Тик, кызганычка каршы, без еш кына моны сизмибез һәм вакытны төрле каршылыкларга сарыф итәбез. Кайчагында безгә барысы да начар кебек тоела, бернәрсә дә эшлисе килми. Әйләнә-тирәгә карасак,дөнья, чыннан да, матур! Бу искиткеч дөньяда яшәвебез ничек шәп!