Арчаның «Өмет чаткысы» " Чигү машинасы белән танышу"
Эш һөнәрләре елы кысаларында Арчаның «Өмет чаткысы» мөмкинлекләре чикле балалар һәм яшүсмерләр өчен тернәкләндерү үзәгендә тәрбияләнүчеләр «РИТЭК» ПОА грант акчасына откан «BROTHER» исемле чигү машинасы белән таныштылар.
Балалар “Чигү машиналарының мөмкинлекләре “ темасына презентация карадылар. Балалар зур кызыксыну белән чигү процессын һәм башкарылган эшләр үрнәкләрен күзәттеләр.
Технология ягыннан машина чигү процессы үзе ике этаптан тора, бер-берсе белән тыгыз бәйләнгән
- конструктортив (чигү машиналары өчен программалар булдыру)
- техник (турыдан-туры чигү).
Дәрес ахырында балалар электр тегү машиналарында чигеп, тегеп карадылар. Белгечләр сүзләренә караганда, мондый чаралар балаларны һөнәрләр дөньясы белән таныштыра, төрле һөнәр ияләренә карата кызыксынучанлык һәм хөрмәт тәрбияли.