"Веста" үзәгендә «Россия – туган илем" дигән дәрес үтте
2019 нчы елның 10 нчы июне көнне “Веста” Үзәгенең социаль эш буенча белгече Алевтина Коровина 12 балигъ булмаган бала өчен Россия көнен бәйрәм итүгә багышланган «Россия – туган илем" дигән дәрес үткәрде.
Максаты: балаларда ватанпәрвәрлек хисе, бала туган һәм ул яши торган урыннарга карата уңай мөнәсәбәт тәрбияләү; үз иленең тарихына һәм традицияләренә кызыксыну уяту.
Дәрес башында белгеч туган ил турында шигырь укыды, шуннан соң Россия шәһәрләре, туган илебез табигатенең төрлелеге турында сөйләде. Катнашучылар үзләренең якыннарының кайсы шәһәрләрдә, әби-бабаларының кайда яшәүләре турында уртаклаштылар.
Белгеч Россиядә 1992 елдан башлап ел саен дәүләт бәйрәме - Россия көне билгеләп үтелә, бу бәйрәм РСФСР дәүләт суверенитеты турында декларация кабул ителгән көнне билгеләп үтелә дип сөйләде. Россия көне-азатлык, тынычлык һәм игелеклелек бәйрәме, ул күпмилләтле халкыбызның бердәмлеген символлаштыра, ватаныбызның хәзергесе һәм киләчәге өчен җаваплылыкны барыбыз да алып барырга тиеш дип искә төшерде. Дәрес ахырында белгеч балаларга “Сорау-җавап” уенын уйнарга тәкъдим итте. Балалар барлык сорауларга да хаталарсыз җавап бирделәр.