Югары Утар акылга зәгыйфь балалар йорты – интернатының “Шәфкатьлелек” бүлегендә “ “Ябалак йорты” ял итү зонасында күңел ачу уеннары.

2019 елның 13 нче июнендә Югары Утар акылга зәгыйфь балалар йорты- интернатының “Шәфкатьлелек” бүлегендә тәрбияче Тимергалиева А.Н. балалар белән “Ябалак йорты” ял итү зонасында күңел ачу уеннары үткәрде. Максат: - Вакытны эчтәлекле, эмоциональ күтәренке итеп оештыру; - Уен һәм уен күнегүләре ярдәмендә балалар арасында дустанә мөнәсәбәтләрне ныгыту; - уен барышында игътибарлылыкны, аралашуны, кулларның вак моторикасын үстерү. Җәй — күңел ачу, каникуллар, дуслар белән уеннар, якты тәэсирләр чоры. Бүген без вакытыбызны «Ябалак йорты» ял итү зонасында үткәрергә булдык. Бу ял зонасы балаларны үзенең ачык төсләре, төрле таганнары белән җәлеп итә. Балалар рәхәтләнеп таганда атындылар, күңелле уеннар уйнадылар. Әкият геройларын һәм хайваннарны сурәтләделәр, бу исә үз чиратында, игътибарны үстерүгә ярдәм итте. Бигрәк тә балаларга ябалак платформасында шөгылләнү ошады.«Игътибарлы бул», «Тап һәм дәшмә», «Өчпочмаклы кәләпүш" кебек уеннар аеруча кызыклы булды. Балалар «Ябалак йорты» ял зонасында тәрбияче үткәргән барлык уеннарны да күңелле һәм җанлы кабул иттеләр. Барысы да бик күп уңай эмоцияләр һәм күтәренке кәеф алдылар.