Питрәч районы “Шатлык” приютында МСРК утырышы
Питрәч муниципаль районы “Шатлык” социаль приютында балигъ булмаган балаларны туган гаиләсенә кайтару һәм авыр тормыш хәлендә булган балалар өчен гаиләне саклап калу максатын күздә тотып гаиләгә һәм балаларга социаль ярдәм күрсәтү бүлекләре белән тыгыз эш алып барыла.
08.02.2019г. Питрәч мунципаль районының “Шатлык социаль приюты” базасында МСРК утырышы уздырылды. Бу чарада Биек Тау районы консилиум әгъзалары һәм приют белгечләре катнашты. Утырышта Биек Тау районында гомер итеп, балалары “Шатлык” приютында реабилитация узучы 5 гаилә тикшерелде. Утырышта гаилә белән эшләү нәтиҗәсе тикшерелде, яшүсмерләрне тәрбияләү эшчәнлеге буенча мәсьәлә күтәрелде, әти-әниләргә киңәшләр бирелде. Матур традиция буенча Биек Тау муниципаль районының МРСК белгечләре балаларны бүләкләр белән сөендерделәр.
Ведомствоара хезмәттәшлек хәзерге вакытта профилактика субъектлары эшенең мөһим рәвешләреннән берсе булып тора, ул уртак көч белән балалар хокукларын яклау, балигъ булмаганнарның күзәтүчесезлеген һәм хокук бозуларын профилактикалау, шулай ук гаиләләрнең социаль куркыныч халәтен профилактикалау мәсьәләләрен хәл итәргә мөмкинлек бирә.