Яшел Үзән муниципаль районындагы «Гнездышко» балалар һәм яшүсмерләр өчен социаль приютында тәрбияләнүчеләр өчен Бөтендөнья тәмәкесез көн уңаеннан «Тәмәке тарту – сәламәтлеккә зыян салу» дигән профилактик чара уздырылды. Чараның максаты - тәмәке тартуның кеше организмына зарарлы йогынтысы белән таныштыру һәм сәламәт яшәү рәвешен тәрбияләү. Чарада катнашучыларның барысы да кирәкле күнекмәләр алдылар, ул аларга киләчәктә сәламәт яшәү рәвеше алып барырга ярдәм итәчәк.