Түбән Каманың "Веста" үзәгендә "Тәнкыйди кабул итү фильтрлары” дигән темага дәрес үткәрелде
Хәзерге медиасфераның көчле үсеше белән бәйле рәвештә әйтик, Интернет, бүген аралашу һәм мәгълүмат тапшыру чарасы гына түгел, ә иҗтимагый аңны манипуляцияләү чарасы булып тора. «Яшүсмерләр медиакультурасын формалаштыру» программасы кысаларында 2019 нчы елның 23 нче мае көнне Түбән Каманың «Веста» үзәге социаль эш буенча белгече Гөлназ Веселовская 9 нчы санлы социаль участокта “Тәнкыйди кабул итү фильтрлары” дигән темага дәрес үткәрде.
Дәрес башында балалар белән “Нәрсә ул медиатекст” дигән әңгәмә үткәрелде. Хәзерге заман кешесенең тормышын интернет һәм телевидениедән, радиодан һәм заманча коммуникацияләрдән башка күз алдына да китереп булмый, алар ярдәмендә кешеләр иң яңа һәм актуаль яңалыкларны тиз таныйлар һәм бер-берсенә теге яки бу вакыйгалар турында санаулы секундлар эчендә мәгълүмат бирә алалар. Бүген массакүләм коммуникацияләр чаралары җәмгыять тормышында зур әһәмияткә ия. Бүгенге чынбарлыкны нәкъ менә массакүләм мәгълүмат чаралары аша диярлек белә алабыз. Бу хакта белгеч балалар белән сөйләште. Әңгәмә ахырында массакүләм мәгълүмат чараларының аудиториягә манипулятив алымнары турында әйтеп үтелде. Аннан соң дәрестә катнашучылар төркемнәргә бүленде, һәр төркемгә алдан сайлап алынган журналлар һәм башка басма мәгълүмат таратылды. Балалар «ошый – ошамый» принцибы буенча үзләрен кызыксындырган мәкаләне сайларга һәм әлеге медиатекстка карата үз фикерләрен белдерергә тиешләр иде.
Дәреснең йомгаклау өлешендә нәтиҗә ясадылар.