"Изгелек" үзәгендә "Мин Ватаным белән горурланам!" исеме астында үткәрелгән рәсем конкурсына йомгак
Татарстан профсоюз оешмасы тарафыннан оештырылган «Мин Ватаным белән горурланам!» исеме астында үткәрелгән Республикакүләм балалар рәсем конкурсына йомгак ясалды. Конкурс 2019 елның 2 мартыннан 26 апреленә кадәр үткәрелде, анда Татарстан Республикасы Хезмәт, халыкны эш белән тәэмин итү һәм социаль яклау министрлыгының Әтнә муниципаль районындагы “Изгелек” халыкка социаль хезмәт күрсәтү үзәге хезмәткәрләре - профсоюз әгъзаларының балалары катнашты. Конкурсның максаты - балаларда ватанпәрвәрлек хисе тәрбияләү, туган якның бай тарихына якынаю, балаларда ныклы гаилә кыйммәтләре һәм гореф-гадәтләренең уңай образын формалаштыру иде. Балалар гражданлык позициясе һәм туган якка мәхәббәт күрсәткәннәре өчен дипломнар һәм истәлекле бүләкләр белән бүләкләнделәр.