Теләче районы «Родник» халыкка социаль хезмәт күрсәтү буенча комплекслы үзәгендә “Бакчачы” клубы дәресләре.

2019 елның 22 мае, чәршәмбе

Теләче районы «Родник» халыкка социаль ярдәм күрсәтү үзәгендә инде өченче ел дәверендә “Бакчачы” клубы үзенең эшчәнлеген алып бара. Әлеге клуб эшенең максаты-социаль хезмәт алучыларның үсемлекләр белән эшләү күнекмәләрен формалаштыру.

Май аенда гаиләгә һәм балаларга социаль ярдәм күрсәтү бүлекчәсе психологы Зиннатова Г.Р. җитәкчелегендә «Бакчачы» клубының чираттагы шөгыле узды. Дәрестә катнашучылар үсемлекләрне дөрес утырту ысулларына өйрәнде. Һәр үсемлекнең характеристикалары белән таныштылар, декоратив үсемлекләр турында мәгълүмат алдылар.

       «Бакчачы» клубының даими шөгыльләнүләре нәтиҗәсендә социаль хезмәт алучылар бакчачылык күнекмәләрен өйрәнә һәм бакчада эшләргә мәхәббәт тәрбияли.