“Астра” тернәкләндерү үзәгендә танып – белү әңгәмәсе үткәрелде

2019 елның  17 маенда  “Алабуга муниципаль районындагы мөмкинлекләре чикләнгән балалар һәм яшүсмерләр өчен «Астра» тернәкләндерү  үзәгендә  дәвалану алучы балалар һәм аларның әниләре өчен “Социаль характердагы гадәттән тыш хәлләр вакытында үз – үзеңне тоту кагыйдәләре” темасына әңгәмә үткәрелде. Аның максаты – террорчылар тудырган куркыныч шартларда һәм тоткын итеп кулга алганда үз – үзеңне дөрес итеп тота белергә өйрәтү иде.

Әңгәмә башында балалар гадәттән тыш хәлләрнең социаль характеры буенча төрле классификациисе белән таныштылар. Кешегә психик тәэсир итү ягыннан - урлау һәм шантаж. Шулар турында “Җинаятьче булмаска!” дип исемләнгән видео ролик күрсәтелде.

Физик көч куллану белән бәйле булган терроризм           әм аның шартларында үз – үзеңне тоту кагыйдәләре, бу ситуациядә куркынычсызлык чаралары турында балаларга тәфсилләбрәк сөйләнде.

Балалар актив катнаштылар: сорауларга җавап бирделәр, бирелгән ситуацияләрне анализладылар, социаль характердагы төрле шартларда кешеләр гомеренә куркыныч тудыручы  әйберләрне таный һәм бу турыда кирәкле хезмәтләргә хәбәр итәбелүләрен күрсәттеләр.