«Кем гаепле һәм нәрсә эшләргә». КЦСОН Менделеевск

Менделеев муниципаль районында "Өмет яры" халыкка иҗтимагый хезмәт күрсәтү комплекснлы үзәгенең социаль хезмәткәрләре алкогольне чамадан тыш куллануны кисәтү һәм сәламәт яшәү рәвешен формалаштыру максатыннан, хезмәт күрсәтүдә торучы өлкән яшьтәге гражданнар һәм инвалидлар өчен квартал саен профилактик әңгәмәләр һәм мәгълүмат сәгатьләре үткәрәләр, шәһәр халкы арасында тематик буклетлар һәм белешмәлекләр тараталар.

Бу атнада өлкән яшьтәге гражданнар һәм инвалидлар өчен «Кем гаепле һәм нәрсә эшләргә?» дигән чараларның берсе үткәрелде. Әңгәмә барышында өлкән яшьтәге гражданнар һәм инвалидлар: "Кем гаепле, бу чирдән ничек котылырга икән соң?" - дигән сорауларга җавап эзләделәр.  Өлкән яшьтәге гражданнар фикеренчә, бу авыру белән кешеләр санын киметү өчен, шәһәр халкы өчен мөмкин кадәр ешрак профилактик чаралар үткәрергә кирәк.