"Мәхәббәт һәм тугрылык – ныклы гаилә нигезе" - Халыкара гаилә көнен бәйрәм итүгә багышланган викторина
15 май көнне Сарабикол авыл җирлегендә Татарстан Республикасы Хезмәт, халыкны эш белән тәэмин итү һәм социаль яклау министрлыгының Лениногорск муниципаль районындагы «Исток – Башлангыч «халыкка социаль хезмәт күрсәтү үзәге» белгечләре Халыкара гаилә көне уңаеннан «Мәхәббәт һәм тугрылык – ныклы гаилә нигезе» дип исемләнгән викторина үткәрделәр. Чарада Сарабиккол авылы халкы һәм социаль хезмәт алучылар катнашты.
Халыкара гаилә көне ел саен 15 майда билгеләп үтелә. Бу җирдә яшәүче һәр кеше катнашы булган бик аз санлы бәйрәмнәрнең берсе. Гаилә, җәмгыятьнең төп элементы буларак, кешелек кыйммәтләрен, мәдәниятне һәм буыннар арасында тарихи бәйләнешне саклаучы булып кала. Социаль педагог Оксана Лямова чарада катнашучыларга бәйрәмнең тарихы, гаилә әгъзалары арасында бәхетле мөнәсәбәтләр серләре турында сөйләде. Викторина барышында гаилә турында халык әкиятләре, мәкальләр һәм әйтемнәр искә алынды. Чара катнашучыларга һәм җиңүчеләргә дипломнар тапшыру белән тәмамланды.
Чара ахырында барлык җыелган кешеләргә бәхет, игелек, гаиләләрдә бер-береңне хөрмәт итү һәм татулык теләделәр.