“Астра” тернәкләндерү үзәгендә “Бер – беребезгә йөрәкләрне ачыйк” дигән уеннар үтте

2019 елның  24 апрелендә “Алабуга муниципаль районындагы мөмкинлекләре чикләнгән балалар һәм яшүсмерләр өчен «Астра» тернәкләндерү  үзәгендә  балаларны бер – берсе белән якыннан таныштыру максатыннан  уеннар үткәрелде.

Тәрбиячеләр  бик кызыклы һәм мавыктыргыч уеннар әзерләгәннәр иде, бер бала да уеннан читтә калмады. Бик күңелле һәм файдалы итеп вакытны үткәрделәр. Кайбер уеннарда хәтта әти – әниләр дә катнашты. Алдагы көннәрдә тәрбиячеләр тагын да кызыклы уеннар уйнап балаларны бергә туплар.