«Буллинг-стоп!» балалар травмасын ничек туктатырга
5 апрель көнне "Өмет" психологик-педагогик хезмәте психологлары Портнова А. В., Зәйнәгетдинова А. Р., Йосыпова З. И. һәм Лениногорск "Исток-Башлангыч" халыкка социаль хезмәт күрсәтү үзәгенең гаиләгә һәм балаларга социаль ярдәм күрсәтү бүлеге белгече Прохорова А. В. 8-9 нчы сыйныф укучылары арасында суицидаль тотышны профилактикалау, шулай ук яшүсмерләр арасында үз-үзеңне бәяләү һәм буллингны (җәберләү) булдырмау мәсьәләләре буенча укытучылар белән тренинг үткәрделәр.
Буллинг яки башкача «җәберләү» мәктәптә яшүсмерләр арасында кискен проблема булып тора. Нәкъ менә укытучы вакытында җәберләүне күрергә, аның сәбәпләрен ачыкларга һәм туктатырга тиеш. Корбаннар белән дә, рәнҗетүчеләр белән дә эшләүгә игътибар итү бик мөһим. Мәктәптә җәберләү бик җитди һәм күңелсез нәтиҗәләргә китерергә мөмкин, чөнки коллектив белән рәнҗетелгән яшүсмер суицид турында уйланган очраклар да аз түгел, ә моңа юл куярга ярамый.
Яшүсмерләр арасында суицидаль тотышны профилактикалау буенча тренингларда Иске Письмянка мәктәбенең 8 укытучысы катнашты. Укучылар белән диагностика, әңгәмә үткәрелде, мәктәп җәрәхәтләрен булдырмауга юнәлдерелгән социаль видеофильмнар күрсәтелде.
Ерактагы авыл җирлекләренә ведомствоара чыгулар профилактика субъектлары эшенең традицион формасы булып тора.