“Бәхет рецепты”. Түбән Каманың «Веста» үзәге
Түбән Каманың «Веста» үзәге белгечләре «Альфа» мәдәният йорты хезмәткәрләре белән берлектә яз җитүгә багышланган “Бәхет рецепты” дигән музыкаль-күңел ачу чарасы уздырдылар. Максат: инвалид балаларны социаль-мәдәни җайлаштыру, балалар-ата-аналар мөнәсәбәтләрен гармонизацияләү, елның яз вакыты, яз билгеләре турында күзаллаулар формалаштыру, әйләнә-тирә дөньяга мәхәббәт хисләре тәрбияләү.
Чара башында үзәк белгечләре “Әниләр өчен открытка” дигән мастер – класс үткәрделәр. Балалар ата-аналар белән берлектә үзләренең әниләре өчен матур открытка ясадылар, шулай итеп аларны яз җитү белән котладылар. Мастер-класстан соң балалар һәм аларның әти-әниләре янына кунакка күңелле “Бүре” һәм “Аю” әкият персонажлары килде, алар саф һавада күп кенә күңел ачу уеннары һәм викториналар үткәрделәр. Әти-әниләр һәм балалар рәхәтләнеп дәртле биюләргә биеделәр, хәрәкәтле уеннар уйнадылар һәм яз турында яраткан җырларын җырладылар.