Шигырь бәйгесе

 Аксубай муниципаль районының «Хыял» социаль приютында тәрбияләнүчеләр «Хезмәт кешесе» шигырь укучылар конкурсында катнаштылар. Конкурс Аксубай балалар китапханәсе тарафыннан үткәрелде һәм эшче һөнәрләр елына багышланган иде. Конкурста мәктәп яшендәге балалар да, мәктәпкәчә яшьтәге балалар да катнашты. Конкурста җиңүчеләргә сертификатлар һәм истәлекле бүләкләр тапшырылды. Конкурска якташыбыз, журналист, язучы, РСФСРның атказанган укытучысы, Саҗидә Сөләйманова исемендәге әдәби премия лауреаты-Низамова Рушания чакырылган иде. Чара барышында катнашучылар Рушания Низамованың тормыш һәм иҗат сәхифәләре белән таныштылар, авторның шигырьләрен тыңладылар, сораулар бирделәр.