Әлки муниципаль районының «Забота» халыкка социаль хезмәт күрсәтү комплекслы үзәге", Түгәрәк өстәл "Инвалид балалар тәрбияләүче гаиләләргә социаль ярдәм»
Түгәрәк өстәлдә инвалид балалар тәрбияләүче ата – аналар, социаль яклау бүлеге, РЦМП бүлеге вәкилләре, Пенсия фонды идарәсе рәисе, Базарлы Матак үзәк район хастаханәсе баш табибы урынбасары, Социаль иминият фондының баш белгече, педагог-психологик хезмәт рәисе, район инвалидлар җәмгыяте рәисе катнашты.
Әлки муниципаль районы территориясендә инвалид балалар тәрбияләүче гаиләләр белән эшләүче органнар, учреждениеләр һәм оешмалар белгечләре үзләрен борчыган проблемалар, инвалид балаларның хокукларын һәм мөмкинлекләрен тормышка ашыруда социаль ярдәм итүне гарантияләүче яңа законнар, мөмкинлекләре чикләнгән балалар өчен тернәкләндерү чараларын оештыруда проблемалар турында сөйләштеләр һәм бергәләп аларны чишү юлларын эзләделәр. Ата-аналар оешма вәкилләренә үзләрен борчыган сорауларны актив бирде. Белгечләр инвалид балаларга һәм аларның әти-әниләренә кагылышлы барлык сорауларга җавап бирделәр.
Социаль эш буенча белгеч Андронова Л. И. ата-аналарга ОСПСиД эшчәнлеген оештыру, «Сенсор бүлмәсе» эше, бүлекчә белгечләре күрсәтә торган ярдәм төрләре турында презентация тәкъдим итте.
Утырыш эшлекле атмосферада үтте.
Түгәрәк өстәлдә катнашучыларның барысы да кыенлыкларны җиңеп чыгу өчен тыгыз хезмәттәшлек кирәк дигән фикер белән килеште. Мондый очрашулар мөмкинлекләре чикләнгән балаларны тернәкләндерү проблемаларын чишүгә юнәлдерелгән ведомстволар арасында нәтиҗәле хезмәттәшлек итүгә ярдәм итә.