“Хәрәкәт әлифбасы”. Түбән Каманың “Веста” үзәге
“Сәламәтлек баскычы” программасы кысаларында Түбән Каманың “Веста” үзәге белгече Әлфия Байкова мөмкинлекләре чикле балалар өчен “Хәрәкәт әлифбасы” дигән төркемле дәрес үткәрде. Дәреснең максаты: вестибуляр аппаратны, хәрәкәт активлыгын һәм хәрәкәтләрне координацияләүне үстерү.
Төркемле дәрес «Ялгышмыйча борыл» күнегүе белән башланды. Балалар бер-берсеннән бер адымга тезелеп бастылар, аннары күз йомдылар һәм белгеч әйткәннәрне үтәделәр: сулга борылдылар, урында әйләнделәр, алга таба да адымнар ясадылар. Күнегүләрне башкару авыр булган кайбер балаларга белгеч кулларыннан тотып ярдәм итте. Киләсе күнегү туп белән булды: башта балалар тупны бер-берсенә бирделәр, аннары бер катнашучы тупны өстән ыргытты, ә икенчесе аны түбәннән тотты.
Гомумән алганда, дәрес күңелле атмосферада узды, балалар коллективта дус һәм бердәм эш күрсәттеләр. Чараның уен һәм төркемле характерында кызыксыну уятты һәм бик күп уңай эмоцияләр тудырды. Дәрестә катнашучылар канәгать калды.