Минзәлә муниципаль районы, балалар һәм яшүсмерләр өчен «Тургай» социаль приюты базасында Сарман муниципаль районының «Шәфкать» үзәгенең гаиләгә һәм балаларга социаль ярдәм курсәтү бүлекчәсе белгечләре катнашында ведомство-ара социаль - тернәкләндерү консилиумы утырышы
2019елның 22 мартында Минзәлә муниципаль районы, балалар һәм яшүсмерләр өчен «Тургай» социаль приюты базасында Сарман муниципаль районының «Шәфкать» үзәгенең гаиләгә һәм балаларга социаль ярдәм курсәтү бүлекчәсе белгечләре катнашында ведомство-ара социаль - тернәкләндерү консилиумы утырышы узды. Сарман районыннан социаль куркыныч хәлдә булган 1 гаилә каралды. Утырышка шулай ук әти-әниләр дә чакырылган иде. Утырыш барышында гаилә белән эш нәтиҗәләре каралды, балигъ булмаганнар белән тәрбия эшчәнлеге проблемалары күтәрелде, ата-аналарга киңәшләр бирелде. Сарман муниципаль районы консилиум әгъзалары, үз чиратында, ата-аналар белән үткәрелә торган тернәкләндерү чаралары турында сөйләделәр. Әти-әниләр балалары турында үз кичерешләре белән уртаклаштылар. Шуны да билгеләп үтәргә кирәк, гаиләдәге уңай үзгәрешләргә бәйле рәвештә, балаларны уз гаиләләренә кайтару турында карар кабул ителде.