«Изгелек» инвалидларны тернәкләндерү үзәгендә «Туп белән эстафета» дигән спорт-сәламәтләндерү чарасы

2019 елның 22 марты, җомга

Чараның максаты: уңай эмоцияләрне, коллективизм хисен арттыруга ярдәм итү һәм сәламәт, актив яшәү рәвешен пропагандалау.

        Спорт чарасы ярыш формасында үткәрелде. Катнашучылар ике командага бүленде.  Күп төрле уен туплары белән эстафета уңышлы узды. Атмосфера уңай һәм дустанә иде. Катнашучылар инструктор тәкъдим иткән барлык биремнәрне дә  кызыксыну һәм зур теләк белән үтәделәр. Эстафетада катнашу  ярыш рухын күтәрергә һәм командада эшли белергә ярдәм итте.

       Социаль хезмәт алучылар үткәрелгән чарадан канәгать калдылар. 

           Чарада 15 кеше катнашты.