Балаларга дөрес тәрбия бирү-уңышлы гаиләнең нигезе
Балаларга дөрес тәрбия бирү-уңышлы гаиләнең нигезе.
Хәзерге вакытта балаларга дөрес тәрбия бирү мәсьәләләре бик актуаль, чөнки ата-ананың кайчагында бала үсә торган тормышны аңларга, кабул итәргә вакыты җитми. Балалар, үз чиратында, ата-аналар белән конструктив аралашу күнекмәләрен белмиләр һәм өлкәннәрнең үзләрен ишетүләренә һәм аңлауларына ышанып бетмиләр.
Гражданнарга социаль хезмәтләр күрсәтү тәртибе турында мәгълүмат бирү максатыннан 2019 елның 20 мартында Зәй муниципаль районы "Радость” халыкка социаль хезмәт күрсәтү үзәгенең гаилә һәм балаларга социаль ярдәм күрсәтү бүлеге белгечләре “Дюймовочка” балалар бакчасында очрашу уздырдылар. Социаль эш буенча белгеч Шарипова Г. М. һәм социаль педагог Жирикова Л. Б. хәзерге вакытта иң кирәкле- социаль-психологик һәм социаль-педагогик хезмәтләр турында сөйләделәр.
Әти-әниләргә учреждениенең бай матди-техник базасы (массаж кабинеты, клуб эше кабинеты, галокамера, психологик бушану бүлмәсе, “Кара сенсор” бүлмә, лекотека, уен бүлмәсе, индивидуаль һәм төркем белән шөгыльләнү өчен коррекция кабинеты, «Тегү эше» хезмәт тернәкләндерү кабинеты, “Компьютер эше”, «Бакчачылык», «Чәчтараш эше ") турында сөйләделәр.
Үзәктә тудырылган шартлар гаиләләргә һәм балаларга психологик-педагогик ярдәм күрсәтүнең төрле алымнарын кулланырга мөмкинлек бирә:
- психологик һәм педагогик белем бирү
- шәхси һәм төркем белән дәресләр
- күзәтү, анализ һәм тест методикалары һәм сорашып белешү методларын кулланып (эмоциональ бәйлелек, стрессларга каршы тору, хәвефсезлек, агрессивлык һ.б. дәрәҗәсен ачыкларга мөмкинлек бирә) шәхси психологик һәм педагогик консультацияләр бирү.
Шулай ук ата-аналар белән сәламәт яшәү рәвешен алып бару һәм гаиләдә балалар-ата-аналар мөнәсәбәтләрен яхшырту турында профилактик әңгәмә үткәрелде.