«Веста» Үзәге белгечләре «Түбән Кама агросәнәгать көллияте»нә экскурсия оештырдылар
Татарстан Республикасында эшче һөнәрләр елы кысаларында «Веста» Үзәгенең социаль эш буенча белгече Анастасия Ильина социаль хезмәт күрсәтүдә торучы 15 яшүсмер өчен «Түбән Кама агросәнәгать көллияте»нә экскурсия оештырды. Максат: балаларны колледж белгечлекләре белән таныштыру, күзәтүчәнлекне, кызыксынучанлыкны үстерү, төрле һөнәрләргә хөрмәт тәрбияләү.
Экскурсияне көллият укытучысы Татьяна Абрамова үткәрде. Ул көллият эшчәнлеге, аның уңышлары һәм уку отличниклары турында сөйләде - балалар аларның фоторәсемнәрен Мактау тактасыннан карадылар. Аннары барлык балаларны да “Станцияләр-һөнәрләр” буенча квест-уен үткәрү өчен 6 командага бүлделәр. Һәр станциядә көллият студентлары яшүсмерләргә үз һөнәрләре турында сөйләделәр һәм төрле биремнәр бирделәр. Экскурсиядә катнашучылар көллияттә эретеп ябыштыручылар, программистлар, техник-механиклар, төзүчеләр, юл һәм төзелеш машиналары машинистлары, чәчтарашчылар һәм ТКХ белгечләре кебек һөнәрләр буенча белем алуларын белделәр. Малайларны техник-механик, ә кызларны чәчтараш һөнәре аеруча кызыксындырды. Барлык станцияләрне дә балалар бик яхшы үттеләр, сорауларга җавап бирделәр һәм барлык биремнәрне дә тулысынча үтәделәр. Экскурсия вакыты бик күңелле һәм сизелмичә үтеп китте.
Барысы да бик канәгать калды, көллият вәкилләре яшүсмерләрне мәктәпне бетергәннән соң үзләренең уку йортына укырга чакырдылар.