Югары Утар акылга зәгыйфь балалар йортында Ватанны Саклаучылар көненә багышланган “Мин бу гаделлекне кадерлим” исеме астында балаларның рәсем бәйгесе

2019 нчы елның 19нчы февралендә Югары Утар акылга зәгыйфь балалар йортының “Шәфкатьлелек” бүлегендә Шәрипова Гөлүсә Миннәхмәт кызы, Ватанны Саклаучылар көненә багышланган, “Мин бу гаделлекне кадерлим” дип исемләнгән рәсем бәйгесе уздырды. Шөгыльнең максаты: - тәрбияләнүчеләрне халыкның милли кыйммәтләренә җәлеп итү, патриотик хисләр тәрбияләү. Бурычлар: - балаларда Ватанны Саклаучылар көне турында күзаллау булдыру; - карандаш һәм фломастерлар белән ясау барышында, шөгыльгә карата кызыксыну һәм дә хисси тойгылар булдырырга омтылу; - тәрбияче ярдәмендә, бергәләп, Ватанны Саклаучылар көненә багышланган стена газетасы ясау; - кулларның һәм дә бармакларның эшчәнлеген үстерү; Ватанны Саклаучылар көне – илебезнең иң бөек, яраткан һәм мөһим бәйрәме. Бу бәйрәмне һәм ватанны саклаучыларны истә тоту, искә алу бик тә мөһим икәнлегенә тәрбияче аңлатма бирде. Шөгыль барышында,балалар хисси тойгылар алдылар, бик тә шатланып, карандаш һәм фломастерлар белән альбом битләренә ясадылар.Аларның хисләре, Ватанны Саклаучылар көненә багышланган,рәсемнәрендә чагылыш тапты. Тәрбияче белән бергәләп эшләнгән эшләреннән,балаларның йөзләрендә канәгать елмаю иде. Шулай ук, балалар белән бергәлектә, бәйрәм хөрмәтенә багышланган якты стена газетасы чыгарылды.Шөгыль искиткеч булды,алар үзләре һәм иптәшләре ясаган рәсемнәргә бик тә сөенде.Ахырда рәсемнәргә бәйге оештырылды һәм бергәләп, фотога төшелде.