«Үз-үзеңне ышанычлы һәм ышанычсыз тотыш» темасына тренинг
«Балаларга көч кулланмау» программасын тормышка ашыру кысаларында Тукай муниципаль районы «Шәфкать» халыкка социаль ярдәм күрсәтү үзәге гаилә һәм балаларга социаль ярдәм күрсәтү бүлекчәсе психологы Ләйсән Насыйрова 1 нче социаль участокта «Үз-үзеңне ышанычлы һәм ышанычсыз тотыш» дигән темага тренинг үткәрде.
Тренинг яшүсмерләрне тирә-юньдәгеләрнең басымына һәм психоактив матдәләрне куллануга җәлеп итү ситуацияләренә каршы торуның төрле ысулларын өйрәтүгә юнәлдерелгән иде. Тренингның төп бурычлары булып ышанычны үстерү, үз-үзеңә бәя бирүне арттыру торды.
Тренингта төрле категория гаиләләрдән 26 балигъ булмаган бала катнашты.
Тренинг барышында ышаныч, ышанычсыз һәм агрессив үз-үзеңне тоту төшенчәләре турында фикер алыштылар. Психологик басым вакытында үз-үзеңне ничек тоту буенча иң уңышлы стратегияләр турында фикер алышынды. «Нотыкчы», «Сын», «Көзге» күнегүләре үткәрелде. Балигъ булмаган балалар шулай ук ышанычлы баш тартуның төп ысуллары белән таныштылар.