«Гаилә-ул бик мөһим!”, Балтач
2019нчы елның 14 февраленда район тарихында беренче тапкыр «Гаилә-ул бик мөһим!” дип исемләнгән күп балалы гаиләләр Фестивале үтте. Инициатор булып Татарстан Республикасы иҗтимагый оешмасының Балтач муниципаль районындагы “Әтиләр бердәмлеге” бүлекчәсе чыкты. Фойеда төрле мастер-класслар, фото күргәзмә оештырылды. Бәйрәмгә барлыгы 504 күп балалы гаиләләр чакырулы иде.
Бәйрәм 5 һәм аннан күбрәк гаиләләр парады белән башланып китте. Аларга район башлыгының рәхмәт хатлары һәм “Бердәм Россия” партиясенең истәлекле бүләкләре тапшырылды.
4 балалы гаиләләр сәхнәдә төрле номинацияләрдә чыгыш ясады, үзләренең гаилә серләре белән уртаклаштылар, “Әтиләр бердәмлеге” бүлекчәсе җитәкчесе Б.Б.Зиятдиновтан махсус бүләкләр белән бүләкләнделәр.
Әлеге чара бөтен кешенең күңелендә матур хатирә булып калыр.