«Үзең белән танышу». "Веста» Үзәге.
Балигъ булмаганнар арасында рәхимсез мөгамәлә профилактикасы эше һәм “Гаилә тормышы этикасы һәм психологиясе. Кешеләр арасында үзара мөнәсәбәтләрнең әхлакый аспектлары” шөгыльләр курсы кысаларында 2019 нчы елның 7 февралендә "Веста» Үзәге психологы Наталья Емельянова 11 нче санлы социаль участокта 13-14 яшьлек 19 яшүсмер арасында «Үзең белән танышу» дигән темага дәрес үткәрде. Максат: төркемдә яшүсмерләрнең үз-үзләрен тотышын өйрәнү.
Дәрес башында психолог балаларга алар нәрсә белән шөгыльләнәчәк һәм тестларны ничек дөрес тутырырга кирәклеге турында сөйләде. Төркемдә яшүсмерләрнең үз-үзләрен тотышын тикшерү өчен «Хәл-әхвәл-кәеф-активлык» һәм «3 көзге», «Кеше рәсеме» проектив тестлары кулланылды.
Диагностика нәтиҗәләре күрсәткәнчә, тикшеренүчеләрнең барысы да яхшы кәефтә, активлык дәрәҗәсе уртача һәм үз-үзләрен тоюы яхшы; 85% катнашучылар үзләре турында әйләнә-тирәдәгеләргә караганда яхшырак дип уйлый, калган 15% ы үзләрен аралашучан һәм күңелле кешеләр дип саный, әмма тикшеренүдә катнашучыларның 60% ы үзләре белән иптәшләре арасында артык якын мөнәсәбәтләр булдырырга җыенмый; конфликтлы хәл булган очракта, беренче булып компромисска барырга әзер түгел, дип саный.
Алга таба яшүсмерләр белән дәресләр әйләнә-тирәдәгеләр белән аралашканда киртәләрне бетерү ысулларына өйрәтүгә һәм кешеләргә карата игелеклелек һәм түземлелек турында күзаллауны торгызуга юнәлдереләчәк.