Югары Утар акылга зәгыйфь балалар йортында Туган көн бәйрәме

2019 елның 4 феврале, дүшәмбе

Балаларның көтеп алган иң яраткан бәйрәмнәренең берсе – ул Туган көн. 2019 елның 4 февраль Югары Утар акылга зәгыйфь балалар йортында “Туган көн” бәйрәме уздырылды. Туган көн бәйрәме башка бәйрәмнәрдән үзенең кызыклы, мавыктыргыч булуы белән аерылып тора. Бу бәйрәмнәрдә балалар уеннар уйнадылар. Түгәрәккә басып “Ак калач” җырладылар. Соңыннан музыка астында рәхәтләнеп биеделәр. Бу бәйрәмнән һәр бала шат һәм кәнагать калды.