“Астра” тернәкләндерү үзәгендә “Күмәч” дигән театраль тамаша булып узды

2019 елның 29 январендә “Алабуга муниципаль районындагы мөмкинлекләре чикләнгән балалар һәм яшүсмерләр өчен «Астра» реабилитация үзәгендә “Күмәч” дигән театраль тамаша булып узды. Тамашаның максаты булып балаларда этик – эстетик тәрбия, рухи кыйммәтләр үстерү торды. Театраль тамашаны тәрбияләнүчеләр үзләре оештырып, үзләре катнаштылар. Бу аларга бик яхшы эмоциональ тәэсирләр алырга, рольләрне дөрес бүлешергә, үзләрен артистлар итеп хис  итәргә булышты. Әти – әниләр дә кечкенә артистларны бик җылы каршы алдылар. Мондый театраль тамашалар яңа тәэсирләр, яңа белемнәр алырга һәм әдәбияткә кызыксындыру уяту чаралары булып тора.