Югары Утар акылга зәгыйфь балалар йорты – интернатының “Шәфкатьлелек” бүлегендә “Минем хис кичерешләрем” дип исемләнгән шөгыль.

2019 елның 22 декабрендә Югары Утар акылга зәгыйфь балалар йорты – интернаты “Шәфкатьлелек” бүлегендә тәрбияче Фазлиева Ләйсән Хәмит кызы тарафыннан “Минем хис кичерешләрем” дип исемләнгән шөгыль үткәрелде. Шөгыльнең максаты: - балаларның тоеп-сиземләвен; - бармаклар хәрәкәтен координациясен үстерү; - бармаклар мускул тукымаларын ныгыту; - зурлык, форма, төсләр турында белемнәрен баету; - бер-береңә карата мәрхәмәтлелек, шәфкатьлек тәрбияләү. Әкиятне кем яратмый? Әлбәттә, барысы да ярата, бигрәк тә әгәр дә син аларда актив катнашсаң. Бүген дәрестә балалар әкияттә бармак курчаклар белән уйнадылар. Алар кул бармакларын көчәндерергә һәм йомшатырга, бер хәрәкәттән икенчесенә күчәргә ойрәнделәр. Шулай ук алар төс, форма, зурлык турында белделәр. Балаларга курчак белән уйнау һәм бармак белән гади күнегүләр башкару ошады. Алар бик күп яңа тәэсирләр алдылар.