“Тургай” приюты кышкы урманда сәяхәттә.

Кышның матурлыгы-аклыгында. Аклык - сафлык,  пакълык билгесе. Балаларда аклыкны күрә белүне тәрбияләү максаты белән тәрбияче Саетова Гөлнара Бәдертдин кызы урманга экскурсия оештырды. Аяк астында шыгыр-шыгыр килгән ак кар, тирә-юньдә кардан юрган ябынган чыршы, нарат агачлары хушны алды.  Ак кардан төрле якларга киткән эзләр балаларның игътибарын җәлеп итте.

Әлеге сәяхәт балаларның күңелен күтәрде, саф һава тәннәренә сихәт бирде.