Яңа ел. «Веста» Үзәге.
Яңа ел һәр йортта, һәр гаиләдә көтеп алган иң яраткан, игелекле, әкияти бәйрәм. Яңа ел-һәрвакыт могҗиза, тылсым, маҗаралар һәм искиткеч үзгәрешләр белән бәйле.
2018 нче елның 26 нчы декабрендә «Веста» Үзәгендә 32 бала һәм аларның әти-әниләре өчен бәйрәм чарасы узды. Балалар Кыш Бабай һәм Кар Кызы белән күңел ачтылар, әкият геройлары белән бергә җырладылар, биеделәр, күңелле уеннарда катнаштылар, кыш турында шигырьләр сөйләделәр. Түбән Кама телерадиокомпаниясе тарафыннан бирелгән яңа ел бүләкләре балалар өчен күңелле сюрприз булды. Менә инде берничә ел рәттән Түбән Кама телерадиокомпаниясе декабрь аенда “Кыш бабай бул!”хәйрия акциясе игълан итә. Акциягә Түбән Каманың йөзләгән халкы кушылды, алар күчтәнәчләр, балаларга яңа ел бүләкләре алып килделәр, аннан соң Кыш бабай белән Кар кызы «Веста» Үзәгенә чыршы бәйрәменә әлеге бүләкләрне бирергә килделәр һәм һәр балага бәхет, уңышлар теләп, яңа елда тапшырдылар.
Бәйрәм бик күңелле үтте. Ата-аналар яңа ел тамашасын оештыручыларга һәм анда катнашучыларга шатлыклы һәм яхшы кәеф өчен рәхмәт белдерделәр! Шулай ук яхшы бүләкләр өчен хәйриячеләргә ихлас рәхмәт сүзләрен җиткерделәр.