Яңа Ел чыршысы янында әкият
Яңа ел балалар өчен ниндидер могҗиза, ниндидер тылсымлы һәм шатлыклы вакыйгалар белән күзаллана. Һәм һәр баланың бәйрәм хисен тоюы бик мөһим. Шуңа күрә Яңа ел алдыннан, Зәй муниципаль районы “Шатлык” халыкка комплекслы социаль хезмәт күрсәтү үзәгендә тормыш мөмкинлекләре чикләнгән балалар өчен Яңа ел тамашасы узды.
Учреждение белгечләре балалар өчен Клоун, Кар бабай, Убыр һәм, әлбәттә, яңа елның төп геройлары – Кыш Бабай һәм Кар Кызы катнашында чын Яңа ел әкияте әзерләделәр. Балалар бик теләп Яңа ел җырларын башкардылар, шигырьләр укыдылар, әйлән-бәйлән уйнадылар, шулай ук төрле конкурсларда актив катнаштылар.
Бәйрәм торт һәм җиләк-җимешләр белән чәй өстәле артында тәмамланды.
Социаль яклау бүлеге һәм “Шатлык" халыкка комплекслы социаль хезмәт күрсәтү үзәге администрациясе Кыш бабай капчыгы һәм татлы ризыклар өчен РФ Дәүләт Думасы депутаты Айрат Хәйруллинга һәм "Бердәм Россия" партиясенең Зәй бүлегенә зур рәхмәтен белдерә.