«Балкыш» халыкка комплекслы социаль хезмәт күрсәтү үзәгенең социаль-тернәкләндерү бүлекчәсендә Халыкара инвалидлар көненә багышланган чаралар узды.

2018 елның 14 декабре, җомга

Ел саен 1 декабрьдән 10 декабрьгә кадәр Халыкара инвалидлар көне кысаларында күп чаралар үткәрелә һәм быелгы ел да искәрмә булмады. Социаль-тернәкләндерү бүлегендә «Йөрәк җылысын бүләк итәбез» девизы астында төрле концертлар, мастер-класслар, иҗади чыгышлар узды. Мәдәният-ял итү үзәге, яшьләр үзәге, балалар һәм яшьләр иҗаты сарае, музыка мәктәбе иҗат коллективлары бүлек кунаклары булдылар. Тернәкләнүчеләр балаларның чыгышларын аеруча җылы каршы алдылар.  Барлык инвалидлар да күтәренке кәеф белән калдылар.