Аксубай муниципаль районы ДОСААФ ату клубында " Хыял”балалар приютында тәрбияләнүчеләр арасында пневматик коралдан ату буенча ярышлар узды

Аксубай муниципаль районы ДОСААФ ату клубында генерал-лейтенант Михаил Калашников истәлегенә багышланган «Хыял " балалар приютында тәрбияләнүчеләр арасында пневматик коралдан ату буенча ярышлар узды. Корал һәм бигрәк тә аннан ату яшүсмерләрдә һәрвакыт зур кызыксыну уята. Моннан тыш, хәзерге вакытта үсеп килүче буынның сәламәтлеген саклауга да зур игътибар бирелә. Тирда пневматик коралдан ату буенча дәресләр балаларның гомумфизик әзерлеген үстерергә, кыюлык, тәвәккәллек, үз-үзеңне тоту, максатчанлык, хезмәт сөючәнлек, игътибарлылык һәм мөстәкыйльлек тәрбияләргә мөмкинлек бирә. Шәхси зачетта балалар арасында беренче урынны Максим Р. алды, икенче урынны Данил М. алды, өченче урынны Карина А. Җиңүчеләрне һәм барлык катнашучыларны котлыйбыз!