Арчадагы “Өмет чаткысы” балаларны тернәкләндерү үзәгендә “Минем ягымлы әнием” исемле, әниләр көненә багышланган бәйрәм концерты булды.
Арчадагы “Өмет чаткысы” балаларны тернәкләндерү үзәгендә “Минем ягымлы әнием” исемле, әниләр көненә багышланган бәйрәм концерты булды. Аны музыка белгече Ләйсән Галиева һәм логопед Лемара Ганиева оештырдылар. Бу бәйрәмгә әзерлек барганда, балалар үзләренең иҗади талантларын күрсәттеләр: алар шигырьләр һәм җырлар өйрәнделәр. Чара үзе дә балалар өчен күңелле ял һәм әниләр өчен дә горурлану, соклану хисләре белән тулы бәйрәм буларак үтте. Бәйрәмне, музыка уен кораллары белән күңелле балалар оркестры ачты. Әниләре өчен балалар күп сюрпизлар әзерләделәр: шигырьләр сөйләделәр, җырлар җырладылар, биеделәр, музыка коралларында уйнадылар. Әниләргә багышланган бик күп җылы, назлы, ягымлы сүзләр яңгырады. Әниләрдә читтә калмады, алар тәкъдим ителгән уеннарда теләп катнаштылар. Әниләр һәм балаларның бергә аралашып уйнауларын карау ничек рәхәт һәм күңелле! Залда уен- көлке хөкем сөрде. Балалар һәм аларның әниләренең күзләрендәге шатлык, соклануны күрү оештыручылар өчен иң яхшы бүләк булды. Бәйрәм искиткеч килеп чыкты! Оештыручылар әйтүенчә, мондывй чаралар балаларда олыларга хөрмәт хисе, үзара аңлашу тәрбияли, ана һәм бала арасында җылылыкны, якынлыкны тагын да арттыра.