«Башка кешеләр белән ничек аралашырга". “Веста” Үзәге.
“Веста” Үзәгенең социаль эш буенча белгече Анастасия Ильина 8 нче санлы социаль участокта аз керемле, тулы булмаган, күп балалы гаиләләрдән булган 12 бала арасында «Ариадна җебе» программасы кысаларында «Башка кешеләр белән ничек аралашырга" дигән төркемле дәрес үткәрде. Максат: аралашу һәм гомуми кешелек турында күзаллауны формалаштыру, әйләнә-тирә кешеләр белән нәтиҗәле аралашу нигезләренә һәм куркыныч хәлдә үз-үзеңне тоту кагыйдәләренә өйрәтү.
Белгеч үзенең дәресен кечкенә генә кереш сүз белән башлады, анда балаларга аралашуның нәрсә икәнлеге, аның нинди булырга тиешлеге, кеше тормышында аралашуның роле турында сөйләнелде. Аннары белгеч «Булыша-комачаулый " күнегүен үткәрде. Ул балаларга карточкалар белән сүзләр өләште, алар буенча катнашучылар кешеләр белән яхшы аралашуга нәрсә комачаулый, һәм нәрсә булыша икәнлеген билгеләргә тиеш иделәр. Балалар тәкъдим ителгән биремне бик яхшы үтәделәр. Аларга «Ишарәләр теле» биреме дә ошады, әлеге уенда ишарәләр һәм мимика ярдәмендә карточка аша язылган әйберләрне күрсәтергә тиеш булдылар. Нәкъ менә шундый биремнәр теләсә кайсы киеренкелекне төшерергә мөмкинлек бирә, балалар ял итә, елмая һәм бер-берсе белән үзара бәйләнештә тора башлый. Аннары белгеч балаларны кәгазьгә сәер кеше белән аралашу билгеләре язарга, ә аннары ни өчен шулай дип аңлатуларын сорады.
Дәрес ахырында белгеч катнашучыларга бергәләп дәресләрдә генә түгел, бөтен җирдә дә үтәргә кирәк булган аралашу кагыйдәләрен уйлап табарга тәкъдим итте.