"Веста" Үзәгендә «Стоматологик авырулар» темасына методик сәгать
«Веста» Үзәгенең социаль эш буенча белгече Любовь Таирова хезмәткәрләр өчен «Стоматологик авырулар» темасына методик сәгать үткәрде. Максат: стоматология авыруларын профилактикалау, сәламәт яшәү рәвешен формалаштыру.
Россия стоматологлар Ассоциациясе мәгълүматларына караганда, россиялеләрнең 87% ы авыз куышлыгы санациясенә мохтаҗ, ә бу үз эченә кариесны дәвалауны һәм дефектларны пломбировкалауны, тештәге ташларны чистарту, тешнең тамырын алу, ортодонтик һәм ортопедик дәвалауны үз эченә ала.
Чөнки кешенең ап-ак тешләре белән елмаюы тирә-юньдәгеләрне җәлеп итә һәм сәламәт тешле кеше белән аралашу һәрвакыт күңелле. Бүген стоматология-динамик үсеш алучы медицина фәннәренең берсе: ел саен яңа югары технологияле методикалар һәм материаллар барлыкка килә. Әмма авыз куышлыгының сәламәтлеген саклау табиб-стоматологка һәм заманча технологияләргә гына бәйле түгел. Күп очракта ул пациентның яшәү рәвеше белән билгеләнә. Татлы тәм-томнарны чикләү, начар гадәтләрдән арыну, тешләрнең сыйфатлы гигиенасы һәм аңкауның сыйфатлы гигиенасы, стоматологның профилактик тикшерүе озак елларга тешләрне матур һәм сәламәт саклап калырга мөмкинлек бирәчәк. Видеороликны карау барышында катнашучылар профилактика өчен стоматологка еш килергә кирәклеген дә белә алдылар, теш щеткасын еш алыштырырга, теш пастасын ничек сайларга, тешләрне ничек дөрес чистартырга һәм башка бик күп нәрсәләр турында белделәр.
Очрашу ахырында белгеч коллегаларына үз сәламәтлеге турында кайгыртырга һәм табибка баруны «соңыннан»га калдырмаска киңәш итте. Теләсә нинди чирне дәвалауга караганда булдырмый калу җиңелрәк.