«Балкыш» халыкка комплекслы социаль хезмәт күрсәтү үзәге социаль-тернәкләндерү бүлекчәсендә иң җылы һәм күңелле бәйрәм - Әниләр көне алдыннан концерт программасы узды.

Бу көнне һәркемгә, бигрәк тә өлкәннәргә игътибар, кайгырту, рәхмәт һәм мәхәббәт мөһим.  Социаль хезмәт алучыларны сөендерергә «Истоки» ветераннар хоры һәм медицина училищесы студентлары килде.

Җыелган хатын-кызлар адресына бик күп котлаулар, рәхмәт сүзләре, хөрмәт сүзләре әйтелде. Очрашу барышында «Ягез әле, әниләр! " дигән викторина үткәрелде. Әлеге викторина кичәне күңелле кәеф, табышмаклар, шигырьләр, мәзәкләр белән тулыландырды.

Бәйрәмнән алынган онытылмаслык тәэсирләр һәм уңай эмоцияләр бәйрәмдә катнашкан һәркем күңелендә озак сакланыр.