«Яшьләр субкультурасы». «Веста» Үзәге.

"Үз юлыбызны үзебез сайлыйбыз» дәресләр курсы кысаларында «Веста» Үзәгенең социаль эш буенча белгече Алевтина Коровина 9 нчы санлы социаль участокта күп балалы, тулы булмаган, аз тәэмин ителгән гаиләләрдән 10 бала арасында «Яшьләр субкультурасы» дигән темага дәрес үткәрде. Максат: яшүсмерләрне социаль куркыныч мохиткә җәлеп итүгә комачаулый торган тормыш кыйммәтләрен формалаштыру, үз-үзеңне тоту өчен җаваплылык тәрбияләү.

 Дәрес башында белгеч балаларга түгәрәк буенча туп тапшырырга, үз исемен балачакта ничек атаулары, хәзер ничек эндәшүләре һәм киләчәктә аларны ничек атауларын теләүләре турында әйтеп узарга тәкъдим итте. «Яшьләр субкультурасы» презентациясен карау барышында балалар «субкультура» төшенчәсе, яшьләр субкультурасы төрләре һәм аларның үзенчәлекләре белән таныштылар.  Әйтик, рокерларның төп атрибуты – ирекне, хакимиятне, эмоциональ киеренкелеккә омтылышны гәүдәләндерә торган мотоцикл. Соңгы елларда яшьләрне экстремистик оешмаларга һәм хәрәкәтләргә җәлеп итү шактый зур әһәмияткә ия.  Экстремистик юнәлештәге субкультураларны хокукка каршы хәрәкәтләргә сәләтле, төркемнәрдә агрессив үз-үзен күрсәтә торган, шулай ук экстремистик гамәлләр һәм җимереклек белән шөгыльләнүче яшүсмерләр һәм яшьләр формалаштыра. Алар-скинхедлар, рус фашистлары, гопниклар һәм фанатлар. Шулай ук белгеч балаларга экстремистик гамәлләр өчен административ һәм җинаять җаваплылыгы каралган, дип сөйләде. Административ җаваплылык-300 сумнан 3000 сумга кадәр штраф, шуңа өстәп 15 тәүлеккә кадәр арест. Җинаять җаваплылыгы-80 меңнән 300 меңгә кадәр штраф, ирекне чикләү, төзәтү эшләре, билгеле бер эшчәнлек төре белән шөгыльләнү хокукыннан мәхрүм итү.

Дәрес ахырында балалар бу дәрестә яңа нәрсәләр белүләре турында сөйләделәр һәм үз мәнфәгатьләрен сайлауда төгәл булырга, башкаларның үгетләүләренә бирешмәскә, теге яки бу хокукка каршы оешмага керергә кирәк дигән нәтиҗәгә килделәр.